機戰Z出咗

今次一早就早三日….

本來諗住又係用女角先, 但係又係SRX-TEAM咁, 同埋宇宙應該好快出SEEDD, 變得唔係咁想玩女角住, 就破例玩男角先.

只係玩咗三話, 敵人的確冇以前咁HP谷得咁行, 第一隻五位數HP的反而係己方隻戰鬥機械隻戰艦.

另外分別最大應該就係PP, 當一隻嘍囉都有成12, 熟練度BONUS有25時, 都知不妙, 但都估唔到PP需求量竟然谷得咁大…..

 

難度? 頭幾版會有啥難啊~~~~~~

動漫節2008(其實係影山ヒロノブMini LIVE)

其實這次是我第一次去動漫節….

我自己很少買玩具, 中文版漫畫又基本上是一出就買, 而且在場外還比較平, 動漫節完全没有任何吸引我的元素, 只是今年影山ヒロノブ會來並會舉行Mini LIVE! 那麼就只有請假去一次了~~~

因為同場會有10月7的Concert首賣, 不過只有300張, 為比較好的位所以就叫做早點去, 雖則頭20名買家會有得簽名, 不過一早知唔駛發夢.

雖然話早, 不過食埋早餐之後開始排隊都9點, 途中見到幾位機戰谷K友, 佢地都早我好多到.

一早知好多人, 但係真係超乎我想像, 9點都排隊排到華潤…

好在今日唔算熱, 都幾有風, 只有到入會展前一段先要晒到太陽, 不過我都有遮~~~~

好似話入場時有少少問題, 所以真正入場遲咗十幾分鐘.

到售票口先知買JAM飛的多過想像, 好彩有友人用邪道入場幫手買, 所以先買到靚位~~~

買到飛之後離主菜重有好一段時間, 所以就響會場遊下. 不過有興趣的真的不多, 而且看見那些蛇餅就真的讓人卻步.

好不容易才待到一 點多, 為了有較好位置於是就往STAGE移動, 也算是佔到了好位置. 只是XBOX360的活動只能用吾不欲觀之去形容….

又好不容易捱完叉盒O的活動, 主菜終於等到. 經過數次試音令在場人仕無比鼓譟後, 千呼萬喚終於開始.

由MC講完開場白後, 先來一段Break Out DVD的Encore片段, 大會很識做的到唱もっともっと時中止, 讓一眾一起補上もっともっと, 然後就請影山上台, 時機非常有心思.

影山唱左4首歌: 龍珠, 星矢, HEATS, 鋼之救世主. 現場非常之HIGH, 現場的感覺的確不同凡響. 不過要連續咁唱, 到唱HEATS時感覺好似開始有點支持不住咁. 不過好在唱完HEATS之後做下訪問比影山休息一下, 唔係都幾危~~~

LIVE細節之後應該會有人放影片所以就唔講了, 只係響我前面有一排肯定唔係為影山的妹妹仔唔知點解霸緊頭排位, 比四周同台上音響轟到天旋地轉~~~~

其間亦好正路咁發現四周都有唔少熟面孔, LIVE過後當然聚埋吹水一番. 有友人有記者証, 就相借K友部DV去影埋個訪問, 一切搞埋就差唔多閃人~~~~

以25蚊, 即使加埋車費都係50蚊, 可以現場聽到影山四首歌, 真係抵到爛! 排半日都係抵!

機戰MX

終於打爆MX了, 太OUTDATE了….雖然如此, 始終也要講講.

節奏緩慢加上口水多早說過, 而且內容不平衡, 偏重電童, 難度太低之類的也被大票人鞭過了, 不過我要鞭的其實也就是這麼一些….

PSP版的難度聽說是已經上調了, 但對我這類由任記紅白機時代已經有接觸機戰的人來說, 難易度始終說不上高, 只能說比較似様了. 像最終話, 敵人除了HP高外, 没有甚麼令人害怕的東西, 六十萬加HP回復少, 也只有被1TURN KILL的份. 二回行動的確有威脅, 但懂得誘導要緩防没有問題.

己方個別機體過強, 龍威的劍合技過7000但只要10EN, 加上兩人也有魂, 完全是犯規. 撫子三人娘齊集之後, 射程5破FIELD加上每TURN EN全回復, 三人的精神又很全面,  又是過份, 三人就包辦了AI1的十萬HP.

 

故事上來說, 眼鏡廠原創角色的故事深度也不夠, AQUA對老師的仰慕很突兀, 隊長的行動也很不合理, 難怪在OG外傳中這麼多人覺得有驚喜.

其他的MIX也及不上W的精彩.

打完一週目後完全没有打二週目的興趣.

 

可以封印MX打回無限之FRONTIER了….

 

OG SAGA 無限之FRONTIER

其實買咗都有一星期了, 玩了十小時上下.

遊戲性同機戰有根本上的差異, 前半以RPG來說, 角色平衡和LV平衡還算可以, 只要行晒不算迷宮的迷宮, 再加上夠回復item基本上已經夠打, 回復item個重要性比好多RPG要高好多, 難怪有人叫呢GAME做超級item大戰.

遊戲性重點的連段, 做得算是不錯, 所有招都可以連, 即使唔連都唔會太影響難度. 當然要連得勁就不免要練招, 去練個時間, 連得多當然打得好爽.

但同時重複咁練咁打, 都會好快冇晒新鮮感, 打來打去都係嗰抽連招, 同打FIG情況一樣.

以新嘗試來說, 還算可以吧.

到打爆再詳細的說說吧!

 

不過我打到中段反而走咗去煲MX~~~